Seshii forever

Am 05. Dezember 2009

hat unser überalles geliebte Sohn und Bruder

Sascha

den Kampf gegen den Krebs verloren.
Wir durften Sascha bis zum Ende auf
seiner letzten Reise begleiten.
Sascha ist gegen den Morgen
friedlich und in Ruhe eingeschlafen.
Sascha, Du wirst all jenen Menschen, die das
Glück hatten dich zu kennen, unsagbar fehlen.
Wir Danken Dir von Herzen für die wunderschöne
Zeit die wir mit Dir erleben und verbringen durften.
Du hast uns stets ein Lachen auf`s Gesicht gezaubert.

Mami, Papi und Patrick

Liebe Sascha

danke das mir die letschte Stund vo dim vill z`kurze Läbe mit Dir händ chönne zäme si.
Mir händ ganz fest Angst vor dem Augeblick gha, aber Du häsch a dem Tag so vill Rueh usgstrahlet und eus so z `spüre geh, dass Du jetzt bereit bisch zum gah.
So händ au de Paddy de Papi und ich, Dich uf dem für eus so schmerzliche Abschied no es Stückli dörfe begleite und Dich mit em Gedanke, dass Du kei Schmerze me wirsch ha,chöne loslah.

Ich ha am Sascha no dörfe säge das ich mit ihm chumme so wiit wie`s gaht und wie sehr ich ihn liäbe und wie stolz ich bin und das ich jede Tag vom Morge bis am Abig bi ihm si wird.
Ich ha ihn gstreichlet und ihm d`Hand geh und wo er gäge Morge chli unruhiger worde isch hät er träumt und gredet.

Leider ha ich nur das verstande: "Links" und "du chasch nöd da druf sitze, das gaht doch nöd!" und "Ich weiss das....!"
Er isch jedefalls nöd allei gsi und das hätt mich sehr tröstet.
Er wird d`Liebe gspürt ha, wo ihn umfange hät.
Irgendwie ha ich dänn um die 7ni a dem Samstig Morge in Gedanke gseit, dass ich jetzt gern wür Ischlafe damit er in Rueh cha gah.
So isch es dänn au würkli gsi...

Wo immer Du jetzt bisch, ich weiß es nöd. Doch ich bin dankbar das ich Dich spüre und mini Liäbi zu Dir blibt für immer.
Du blibsch immer en Teil vo eus.

Machs guet min Schatz, mer gsehnd eus wieder.

Dis Mami